((للشاعرة : عذبـــــــــــــــــــة بنت سلمان))
انا احب الامارات وعروقـــي اماراتيــــــة ... اهلها ع العين والراس ياحلــــو هالــــــــطاري
المناصير اخلاق وعادات نفس اجوديــة ... أصل وفصل ونوماسهم ماوطـــــا خــــــــــاري
.
والعوامر ويل حالي علومهم سنافيــــة ... الضيوف في ميالسهم مقبل وســــــــــــاري
والنعيمي حبايب قلبي اخلاق وحميــة ... ياحلات القرب منهم لو في الصحـــــــــــــاري
.
وبن كتب نوماس العز وعلومن قويــــــة ... ياحظ من خاواهم في مخوتهم عمــــــــــاري
المزاريع للحق نبراس ضاوي و ضويــــة ... ازرعوا نبت المحبة في ميادين الحبــــــــــاري
.
وبالخيل خياله عرفوا نهج السويـــــــــة ... فرسان للحق و مواجيب لهم جنمب القماري
الغفلي ويل حالي بالغلا مبطي عليـــه..شوقي لهم شوق كبير للمواجيب تـــــــــداري
.
السويدي احترت في مكارمهم العذيــة..ويش اوصف ويش اخلي سيفهم بالحيل ضاري
المهيري للضيافة مقبلين صبح وعشية ... طيبهم وباخلاقهم تشدي الطــــــــــــــواري
.
الدرامكة في الشجاعة مايهابون المنيـة ... لو نخاهم الاجودي فزعوا له سمـــــــــــاري
الشحوح وان هبت رياح الموسميـــــــة .... ياحلات البساطة وللضيوف حطوا غــــــواري
.
والدروع حبهم مثل سيول المهمهيــــة ... وللبداوة هم سواعد وللبداوة هم مــــــداري
النيادات طيبهم طيب ونفوسهم أبيـــــة ... مايغط الحق عندهم وللسعادة هم شــواري
.
الشوامس حلو منطوقهم وبه جاذبيــــة ... الهم يخوز في مجالسهم وللفــــــرحة دواري ونعم والله الكعبي هدوء نفس وتفاهمهم ب رويـة .... طيبهم لا ما نوجد بين عربان الديـــــــــــاري
.
الظواهرحامين الديار مايردون الهديـــــة .... للمواجيب نخوة وللمنــاجيب هـــــــم دواري
المناهيل سيوف الحق وحلالين القضية .... ياحلات الجلسة معهم في هبــوب الـذواري
.
الهوامل متواضعين وبتاركين العنجهيــــة .... ياحلو منطوقهم درر ومابه مــن يــــــــــواري
القبييسات وش اقول يا حروف الابجدية ... وش اوصف حبهم فايض من عيــن عـــــذاري
.
ولا تحرمونا من الردود...
منقووووول..
21-04-2008, 11:00 AM
قصيدة في مدح قبايل الإماراتية .. 
المواضيع المتشابهه للموضوع: قصيدة في مدح قبايل الإماراتية .. 
العرض العادي
